Ditën e dielë pritet të mbahen zgjedhjet e 25 Prillit dhe Anita Dervishi që është kandidate për deputete synon një karrige në sallën e Kuvendit.
Ajo mban numrin tre në listën e kandidatëve, në qarkun e Durrësit për partinë e kreut të Konservatorëve Kujtim Gjuzi, i cili është regjistruar në KQZ me “Aleanca Bashkimi Popullor ABEOK”.
Kandidatja për deputete ka bërë fushatë edhe në rrjetet sociale, ku në Instragram, bien në sy pak postime që të kenë lidhje me aktivitetin politik dhe fushatën.
Ajo që bie lehtësisht në sy janë fotot e Anita Dervishit, me poza dhe veshje provokuese dhe ku nxjerr në pah linjat trupore.
Ndërsa një tjetër detaj që mund të veçohet është se në postimet e vajzës që aspiron të bëhet deputete, nuk mungojnë gabimet drejtshkrimore, si mungesa e ë në emrin e qytetit të Fushë Krujës apo shënimi i emrit Shqipëri me sh të vogël.
