Deputetja opozitare Rudina Hajdari ka bërë një deklaratë të fortë pas arrestimit nga RENEA të disa emrave më të përfolur të krimit në Elbasan, mes tyre edhe të 53-vjeçarit Ardian Çapajt.
Rudina Hajdari, kandidate për deputete në qarkun e Elbasanit nga Nisma Thurje, deklaroi se organizata me në krye Çapjan është e lidhur me PD-në.
“Kjo organizatë kriminale dihet që ka një lloj lidhje me Partinë Demokratike. Uroj gjithashtu që kreu i organizatës kriminale, i lidhur me Partinë Socialiste të ketë të njëjtin përfundim, që të kapen të gjithë, jo vetëm të përdoren në mënyra elektorale apo të kapet një person dhe të mos dënohen të gjithë.”, u shpreh Hajdari.
