Një grua ka rënë aksidentalisht nga lartësia sipas policisë. Ngjarja ka ndodhur mëngjesin e të martës në rrugën “Mine Peza” në Tiranë.
Gruaja, ende e paidentifikuar është dërguar menjëherë në spital dhe ndodhet nën kujdesin e mjekëve.
“Më datë 16.03.2021, rreth orës 09:25, në rrugën “Mine Peza”, një shtetase ende e paidentifkuar, aksidentalisht ka rënë nga lartësia e banesës ku jeton, e cila u dërgua menjeherë në spital dhe ndodhet në kujdesin e mjekëve”, thotë policia.
Vijon puna nga grupi hetimor për sqarimin e rrethanave të ngjarjes.
