Muzikanti Vasil Konomi është gjendur i vdekur në garazhin e tij në fshatin Goranxi të Dropullit. Sipas raportimeve paraprake vdekja duket se ka ardhur nga shkaqe natyrore.
Trupi i tij është dërguar në morgun e spitalit të Gjirokastrës ku do të kryhet ekspertiza mjeko-ligjore.
Njoftimi i policisë:
Gjirokastër/Informacion paraprak.
Rreth orës 16:00, njoftohemi se në fshatin Goranxi, Bashkia Dropull, në garazh pranë mjetit të tij, është gjetur i pa jetë shtetasi V. K., rreth 50 vjeç, banues në Goranxi, Dropull.
Menjëherë në vendngjarje kanë shkuar shërbimet e policisë. Trupi i shtetasit V. K. u transportua në morgun e Spitalit Rajonal Gjirokastër për të kryer ekspertizën mjekoligjore.
Grupi hetimor ndodhet në vendngjarje dhe po punojnë për zbardhjen e rrethanave të ngjarjes.
