Agjencia Europiane e Barnave (EMA) njoftoi të enjten se kishte miratuar vaksinën Johnson & Johnson.
Vaksina J&J është vaksina e katërt që miratohet nga Bashkimi Europian, pas miratimit të vaksinës BioNTech-Pfizer, AstraZeneca dhe Moderna. Vaksina, e zhvilluar nga kompania farmaceutike Janssen në pronësi të J&J dhe me qendër në Belgjikë, ndryshon nga vaksinat e tjera të aprovuara pasi kërkon vetëm një dozë.
Provat klinike globale kanë treguar një efektivitet prej 66% në parandalimin e varianteve të ndryshme të COVID-19 dhe 85% efektivitet në mbrojtjen e njerëzve nga zhvillimi i infeksioneve të rënda.
BE tashmë ka siguruar 400 milion doza të vaksinës.
