Ditën e sotme Ministrja e Shëndetësisë, Ogerta Manastirliu ka marrë dorëzimin e një skaneri CT me vlerë 750,00 mijë euro nga ambasadori i Bashkimit Europian, Luigi Soreca.
Dhurimi i skanerit është pjesë e mbështetjes së BE-së për Shqipërinë në përmballjen e luftës kundër pandemisë së koronavirusit.
Në një postim në Facebook, Manastirliu ka falenderuar Sorecën për të gjithë angazhimin dhe solidaritetin e treguar nga BE-ja, teksa u shpreh se të Hënën pritet të vijnë 9 mijë doza të vaksinës Pfizer.
“Kemi nxjerrë shumë mësime këtë vit, solidariteti ishte arma më e fuqishme në momente shumë të vështira të kësaj pandemie. Ne persim javën që vjen rrreth 9 mijë doza Pfizer. Edhe me të moshuarit kemi filluar vaksinimin dhe janë më shumë se 4 mijë të vaksinuar. Dhe janë më shumë se 20 mijë të vaksinuar. Kemi besim që do tja dalim se sa më shpejt që muajve të verës të jemi sa më të relakasuar,”– tha Manastirliu.
Soreca tha se BE-ja është dhe ka qenë gjithmoë në mbështetje të Shqipërisë.
“Kjo ishte mbështejta që ju dha juve si mjekë, dhe jam shumë krenar që jam këtu sot që të jem në gjendje personalisht t’ju them faleminderit për përballimin e kësaj situate.Ju duhet të mbështeteni te BE-ja se ne do të vazhdojmë. Do ju ndihmojmë edhe me Covax. Ne nuk do ta lëmë Shqipërinë që të mbetet vetëm siç bëmë pas tërmetit edhe në pandemi. Covid është një sëmundje serioze unë jam dëshmitar dua tu bëj thirrje të gjithëve të tregohen të përgjeshëm,”– tha Soreca.
