Prokuroria e Posaçme (SPAK) kanisur hetimet për një zyrtar të burgjeve, i cili ka takuar në burgun e Drenovës Luftar Reçin, të penduarin që “spiuoni” Emiljano Shullazin dhe Lul Berishën.
Takimi i tij me Reçin është zbuluar pas kallëzimit të Shërbimit të Kontrollit të Brendshëm në Burgje në Prokurorinë eTiranës, për sende të paligjshme që ishin zbuluar në institucionin e vuajtjes së dënimit.
Fillimish hetimet kishin nisur ndaj gardianëve të burgut, porn ë librat e hyrje-daljeve u zbulua se ky zyrtar kishte udhëtuar nga Tirana drejt Korçës dhe kishte qëndruar për 20 minuta me Reçin.
Por kush është Luftar Reçi, i dënuar me 25 vite burg për vrasjen dhe më pas djegien e trupit të Lalës? Reçi po vuan dënimin në burg prej 11 vitesh, pasi mbi të rëndojnë akuzat për vrasje dhe trafik droge.
Por emri i tij është rikthyer në qendër të vëmendjes për shkak të rolit kyç që ka pasur në hetimet e bujshme të SPAK, për akuzat ndaj dy prej bosëve më të mëdhenj të krimit në Shqipëri, Lulzim Berisha dhe Emiljano Shullazit dhe bandat e tyre.