Zbardhet dosja për sanitaren Tire Alldervishi te spitali COVID-2, e cila pak javë më parë u vu në pranga pas skandalit me vajzën e një pacienteje që ndërroi jetë për shkak të koronavirusit dhe që e kishte lënë pa shërbim dhe ushqim
Këtë të hënë u vunë në pranga tre infemiere dhe një sanitare në këtë spital, si të përfshirë në këtë histori.
Në dosjen hetimore, thueht ndër të tjera se Tire Alldervishi, i është këqyrur dhe sekuestruar në cilësinë e provës materiale një aparat celular.
Nga kqyrja e aparatit celular në posedim, rezulton se kjo shetasese ka shkëmbyer komunikime të shumta me persona të ndryshëm, kryesisht paciente dhe familjarë të tyre si dhe sanitare dhe infermiere në spitalit ”Shefqet Ndroqi”.
Nga përmbajtja e këtyre e komunikimeve të realizuara nëpërmjet aplikacionit ”ëhatsApp” dhe SMS, rezulton se personi nën hetim Tire Alldervishi në bashkëpunim me persona të tjerë përves rastit me pacienten Liljana Kalemi, është përfshirë edhe në disa episode të tjera, duke i kërkuar dhe marrë para familjarëve të pacientëve të shtruar në spital, për ti shërbyer të afërmve të tyre.
Sipas dosjes, në datë 05/12/2020 Tires i ka ardhur një mesazh SMS nga kontakti i regjistruar në telefonin e saj me emrin “Sheqere kati 3”, ku përmbajtja e bisedës së zhvilluar mes tyre është si më poshtë vijon: 08:57, 05/12/2020 – Sheqere kati 3: ”Tire shko nderroje pak Muhametin, se ta jap kafen kur te vij vetë, se s’ka Elda kohë. Në rregull. Mos harro. Me thuaj pastaj”.
Nga verifikimet ne sistemin “DeepSee” rezulton se numri telefonik i perket shtetases Sheqerije Jonuz Koçi, e cila rezulton e punësuar pranë Spitalit Univeristar “Shefqet Ndroqi”. Gjithashtu sipas dokumentacionit të administruar me proçesverbal “mbi kqyrjen dhe marrjen e dokumentave” nga spitali “Shefqet Ndroqi” Tiranë, rezulton se shtetasja Sheqerije Koçi figuron ne listen e infermierëve të këtij spitali.
