Një 21-vjeçar me inicialet R.B., është arrestuar nga Policia e Beratit pasi gjatë një sherri për motive të dobëta ka plagosur me thikë një 34 vjeçar.
Sipas Policisë, i plagosur rëndë nga goditjet me thikë ka mbetur 34-vjeçari me inicialet F.K.
“Nga specialistët e Seksionit për Krimet u bë arrestimi në flagrancë i shtetasit R. B., 21 vjeç, banues në lagjen “11 Janari”, Kuçovë.
Arrestimi i tij u bë pasi, për motive të dobëta, e ka goditur me mjet prerës (thikë) në trup duke i shkaktuar plagë të rënda, shtetasin F. K., 34 vjeç, banues në Kuçovë, i cili po merr ndihmën mjekësore në spitalin rajonal Berat”, njofton Policia.
