Presidenti dhe katër futbollistë të Palmas Fútbol y Regatas, një klub futbolli në Brazil, humbën jetën këtë të diel si pasojë e përplasjes së avionit me të cilin ata po udhëtonin për në Goiás, ku do të luanin një ndeshje që ishte planifikuar të zhvillohej ditën e hënë.
Avioni me të cilin po udhëtonte ekipi u rrëzua disa momente pasi u ngrit nga një pistë në zonën e Porto Nacional, një komunë vetëm 60 kilometra larg Palmasit. Fatkeqësisht, udhëtimi nuk shkoi ashtu siç ishte planifikuar dhe janë pesë persona të klubit që ndërruan jetë.
Mes viktimave ishin katër lojtarë dhe presidenti i Palmas, Lucas Meira. Lojtarët e tjerë që ndrruan jetë janë: portieri Ranule (27 vjeç), mbrojtësi i majtë Lucas Praxedes (23 vjeç), qendërmbrojtësi Guiherme Noe (28 vjeç) dhe mesfushori Marcus Molinari (23 vjeç).
