Bes Kallaku ka ndarë sot me të gjithë ndjekësit e tij një koleksion që me siguri e kanë zili të gjithë gjuhëtarët. Aktori ka publikuar një foto ku shfaqen të renditura disa botime të “Hylli i Dritës”, revistës së parë shqiptare të botuar në vendin tonë, konkretisht më 1913-ën deri më 1944-ën (me disa ndërprerje kushtëzuar nga politikat e kohës). Kjo revistë ka përmbajtje atdhetare, politike dhe kulturore.
Gjithashtu në foto duken edhe disa botime të revistës ‘Leka’, që ka përmbajtje kulturore, letrare dhe filozofike. Nuk e dimë nga ka lindur ky pasion i Besit për këtë lloj literature, por ja që aktori ka fatin të ketë në dorë disa nga botimet më të vyera në qarkullim (për ata që ja dinë vlerën).
