Konspiracionisti Alfred Cako ka publikuar deklaratën tronditëse të një rabini ortodoks, në lidhje me vaksinën kundër COVID-19. Sipas tij vaksina mund të ndikojë në prirjet seksuale të njerëzve.
“Sa kohe kam qe e them kete dhe disa nuk me kane besuar?!”, shkruan Cako krahas shkrimit.
Rabini Daniel Asor, i cili ka një numër të lartë ndjekësish në rrjetet sociale ka deklaruar se: “Vaksina e Covid mund t’i kthejë njerëzit në homoseksualë”.
Një media izraelite raportoi se Daniel Asor gjithashtu deklaroi se përpjekjet për të vaksinuar sa më shumë njerëz ishin pjesë e një ‘qeverie dashakeqe’, e cila po përpiqet të ndryshojë botën. Në fakt, nuk ka asnjë provë që vaksina e koronavirusit lidhet me homoseksualitetin dhe bie në kundërshtim me thirrjet e tjera të Daniel Asor, i cili i kërkonte njerëzve që të vaksinoheshin.
Sipas Independent, Asor përdori një predikim të kohëve të fundit për të thënë: “Çdo vaksinë është bërë duke përdorur një substrat embrional dhe ne kemi prova se shkakton prirje të kundërta. Vaksinat merren nga një substrat embrional, dhe ata e bënë këtë edhe këtu, kështu që kjo mund të shkaktojë prirje të kundërta”, për të cilën i referohej homoseksualitetit.