Shtyhet seanca e dhënies së vendimit për gjyqtaren Enkeleda Hoxha. Këshilli i Lartë Gjyqësor ka vendosur shtyrjen për gjyqtaren për të cilën kërkohet shkarkimi nga posti që mban, pasi ka liruar nga burgu disa personazhe të botës së krìmit.
Kërkesa për shkarkimin e Hoxhës është bërë nga Inspektori i Lartë i Drejtësisë Artur Metani, i cili ka qenë i pranishëm edhe sot në seancën që u mbajt në KLGJ.
“Inspektori i Lartë i Drejtësisë Artur Metani asistoi sot në seancën dëgjimore në Këshillin e Lartë Gjyqësor për shqyrtimin e kërkesës për masën disiplinore “shkarkim nga detyra” për magjistraten E.H.me detyrë gjyqtare pranë Gjykatës së Rrethit Gjyqësor Krujë, për shkelje të rënda profesionale që diskretitojnë pozitën dhe figurën e gjyqtarit gjatë ushtrimit të detyrës.
Inspektori i Lartë i Drejtësisë Artur Metani u shpreh dakord me kërkesën e magjistrates E.H. e cila i kërkoi kohë KLGJ-së për të përgatitur parashtresat e saj për raportin hetimor të paraqitur nga ILD.
Këshilli i Lartë Gjyqesor pranoi kërkesën e magjistratës E.H. dhe caktoi seancën e rradhës dëgjimore më 29 Janar ora 11.00″, thuhet në njoftimin e shpërndarë për mediat nga ILD.