Të shtëna me armë zjarri janë shënuar pak çaste më parë në fshatin Llakatund të Vlorës, ku është qëlluar me armë zjarri në drejtim të një banese në pronësi të familjes Devollaj.
Policia ka shoqëruar pronarin e shtëpisë për ta pyetur, ndërkohë që është ndaluar edhe autori i ngjarjes.
Pronari i shtëpisë mësohet të ketë deklaruar se një person ka ardhur rreth e rrotull banesës, si dhe ka qëlluar disa herë në drejtim të saj.
Nuk dihen ende arsyet e konfliktit që ka çuar në kryerjen e këtij akti nga agresori i përfshirë në ngjarje.
