Pas një operacioni të mirëorganizuar është shkatërruar banda e drogës që drejtohej nga shqiptarët në Belgjikë. Mësohet se në kuadër të këtij aksioni u arrestuan 11 persona, mes tyre 9 janë burra dhe 2 gra, ndërsa nuk dihet se sa janë shqiptarë.
Mediat e huaja raportojnë se një prej të arrestuarve shqiptarë u plagos rëndë, pasi teksa tentoi t’i shpëtonte policisë u hodh nga një lartësi e lartë. Policia ushtroi kontrolle në disa banesa dhe lokale në Grimbergen dhe në Bruksel, ndërsa u sekuestruan 100 mijë euro.
Po ashtu u sekuestruan 20 kg kokainë me një vlerë tregu prej një milion euro si dhe disa makina. Mësohet se ky grup e kishte shtrirë aktivitetin e shitjes së kokainës në Itali si dhe disa vende të tjera të Europës.
