24 orë afat! Kjo ishte fjali që detyroi qytetarët që të thyejnë rregullat e Covid-19 dhe të mblidhen para godinës së Profektuar për të bërë aplikimet, se janë të prekur nga tërmeti i 26-nëntorit të vitit të kaluar.
Burime për Abcnews, bëjnë me dije se radhë të gjata qytetarësh po presin në shkallët e godinës.
Mësohet se janë qindra qytetarë të cilët presin prej orëve të mëngjesit për të aplikuar për pagesën e dëmeve të shkaktuara nga tërmeti.
Në radhë janë dhe qytetarë të moshave të ndryshme, kryesisht të moshuar që presin në radhë pa distancë fizike, e një pjesë e tyre edhe pa maska. Rihapja për aplikime u bë mbrëmjen e djeshme dhe nuk dihet nëse do të ketë shtyrje afati.
