Ish kryeministri Sali Berisha ka treguar se si u zgjodh në krye të Partisë Demokratike në krijimin e saj.
Sipas tij, në fillim është propozuar Azem Hajdari, por më pas rrodhën ngjarjet që Berisha të zgjidhej kryetar i Partisë Demokratike.
Pjesë nga intervista:
Blendi Fevziu: Si erdhët në krye të Partisë Demokratike?
Sali Breisha: Kam propozuar Azem Hajdarin për kryetar.
Për shkak të shkrimeve dhe disa faktorve të tjerë, unë kisha një status më të veçantë në atë Komision shqiptar të PD-së. Isha i përqendruar tërësisht në programin politik dhe nëse ju i riktheheni pak fjalimit tim të dislegalizimit, ai është fjalimi i jetësimit në çdo aspekt.
Por pasi iu bë puç Azemit, se unë puç e quaj, atëherë e vërteta është, jam marrë intesivisht më zgjidhjen e problemit.
Dhe unë kam qenë kategorik kundër kandidimit tim për kryetar. Pas meje që nuk donte të kandidonte ishte Gramoz Pashko.
Aty u zgjodhën disa anëtarë të rinj në Komision Drejtues dhe këta anetarët e rinj thanë: Kur këta që janë më të vjetër nuk duan të marrin detyrën e kryetarit pse na kërkoni neve?
Dhe pikërisht kjo na detyroi të hynim në garë.
