Mjeku i njohur, Drini Dobi ka ndërruar jetë nga koronavirusi. Mjeku ishte nisur për mjekim më të specializuar në Itali, por nuk e ka fituar betejën me Covid-19.
Prej disa ditësh në rrjetet sociale, kishte nisur një fushatë për mbledhjen e fondeve, të cilat do të përdoreshin për mjekimin e specializuar të një prej mjekëve më të njohur në fushën e neurologjisë, në një nga spitalet italiane.
Para nisjes drejt Italisë, Dobi po trajtohej në Tiranë, pasi ishte prekur nga Covid-19, që i kishte shkaktuar komplikacione dhe gjendje të rënduar shëndetësore.
