Inspektorati Shtetëror Shëndetësor ka gjobitur Qendrën Tregtare TEG për moszbatim të protokolleve të sigurisë për parandalimin e COVID-19. Ky vendim vjen pas dyndjeve me qytetarë në dyqanet e kësaj qëndre në kudër të “Black Friday”.
Fotot që qarkulluan në rrjet tregonin një situatë “kaotike” dhe shkelje të masave anti-covid.
“Inspektorati Shtetëror Shëndetësor ka vendosur masë administrative, gjobë, ndaj Qendrës Tregtare TEG për moszbatim të protokolleve të sigurisë për parandalimin e COVID-19. Të gjitha qendrat tregtare dhe subjektet e tjera kanë detyrim ligjor zbatimin me përpikmëri të protokolleve për parandalimin e përhapjes së COVID-19”, thuhet ndër të tjera në njoftim.
