Komiteti Teknik i Ekspertëve bëri të ditur këtë të hënë se mësimi për universitetet do të vijojë të bëhet online.
“Situata vazhdon të mbetet tërësisht e kontrolluar si në drejtim të testimeve dhe të menaxhimit të rasteve. Megjithatë komiteti teknik duke qenë gjithmonë i vëmendshëm për t’i paraprirë situtës, mendojmë që mësimi në universitete për shkak të situatës që është do të vazhdojë online dhe për një periudhë në varësi të vlerësimit që do bëjmë”, tha kryetarja e Komitetit Teknik të Ekspertëve Mira Rakacolli.
Ndërkaq, kreu i ISHP-së Albana Fico bëri të ditur të dhënat e javës së shkuar ku rastet ishin 301 persona pë 100 mijë banorë, mestaraja ditore 704 për javën që lamë pas. Raporti i vdekjeve me rastet pozitive është 2.9 % gjatë kësaj jave. Moshat më të prekura janë 65-74 ndjekur nga pas me grupmoshën 55-64. Në grupmoshën e fëmijëve 0-14 vjeç nuk kemi ndryshime për sa i përket incidencës.
“Kjo situatë kërkon më shumë se çdo gjë tjetër bashkëpunimin e autoriteteve shëndetësore me qytetarët, për rregullat që i përsërsisim si mbajtja e maskave distancimi, higjinenizimi mos grumbullimi respektimi i masave të vendousra javët e fundi e mbi të gjitha të bazohemi në informacion që vjen nga autoritetet shëndetësore zyrtare”, tha znj. Fico.
Ndërsa kreu i Urgjencës Kombëtare Skënder Brataj tha se drejt 127 kanë ardhur 200 telefonata më pak javën e shkuar ndërsa vizitat në shtëpi kanë qenë 463. Ai bëri të ditur se po bëhet menaxhimi i shtretërve në të tre spitalet COVID në mënyrë që pacientët të mos presin në ambulanca.