Këshilli i Emërimeve në Drejtësi është prej orësh në një mbledhje për të vendosur se sa kandidatë do t’i shkojnë Presidentit të Republikës për të zgjedhur pasuesin e Besnik Muçit në Gjykatën Kushtetuese.
Ky i fundit u emërua gjyqtar nga Presidenti, por pak ditë më pas u shkarkua nga Vettingu.
Aktualisht, për të zënë vendin e Muçit, KED ka kualifikuar noteren Sonila Bejtja dhe avokatin Altin Binaj. Nga kjo garë u skualifikuan juristët: Eugen Papandile dhe Zhaklina Petro, të cilët gjykata i ktheu sërish në garë.
Në mbledhjen e sotme KED, do të vendosë nëse edhe këta dy emra duhet të kualifikohen për të shkuar në tryezën e presidentit.
Pas marrjes së këtij vendimi, faza tjetër është intervistimi i kandidatëve dhe renditja e tyre, ku Meta mund të dekretojë vetëm një nga 3 emrat që kryesojnë listën.