Me një buqetë gjigante me trëndafila të kuq në formë zemre dhe shkronjën “F” të formuar me trëndafila të bardhë, si dhe me një unazë të bukur diamanti, Fisnik Syla i propozoi për martesë Fjolla Morinës. Ajo i tha “PO” këtij propozimi, duke zyrtarizuar kështu lidhjen e saj dhe duke dhënë lajmin e bukur se po i jep fund beqarisë.
Prej disa ditësh raportohet se ajo dhe Fisniku po martohen, ndaj përgatitjet për dasmën kanë nisur që tani.
Së fundmi, kemi mësuar se ata do të kurorëzojnë dashurinë e tyre me martesë në fillim të muajit dhjetor. Çifti ka menduar organizimin e dasmës së tyre në Shqipëri.
Ndryshe nga sa u tha në fillim, ceremonia do të jetë private dhe jo me shumë persona të ftuar.
Në rrjete sociale Fjolla nuk i kursen momentet e veçanta me partnerin e zemrës, ndërsa sonte ka treguar arsyen për të cilën ata “grinden” më shpesh.
E kemi fjalën për peshën e Fjollës, pyetje të cilën duket se këngëtarja ia bën shpesh Fisnikut.