“Lockdown”, pra izolim, është shpallur fjala e vitit për 2020-n, nga ‘Collins Dictionary’, pas një rritje të madhe në përdorimin e saj gjatë pandemisë së koronavirusit, shkruan BBC.
Tek kjo fjalë “përmblidhet përvoja e përbashkët e miliarda njerëzve”, tha fjalori Collins.
Leksikografët regjistruan më shumë se 250,000 përdorime të fjalës “izolim” gjatë vitit 2020, nga vetëm 4,000 vitin e kaluar.
Terma të tjerë të lidhur me pandeminë në listë përfshijnë “vetë-izolimi”, “distancimi social” si dhe “koronavirusi”.
Sipas fjalorit, fjala izolim përkufizohet si “vendosja e kufizimeve të rrepta në udhëtime, ndërveprim shoqëror dhe aksesit në hapësirat publike”.