Akoma nuk është dhënë verdikti përfundimtarë, pasi numërimi nuk ka përfunduar, por disa media amerikane që e kanë shpallur verdiktin e tyre për Arizonën, duke deklaruar se, ky shtet i kalon demokratit Joe Biden.
Por në fakt, në Arizona, numërimi i votat nuk ka përfunduar plotësisht. Madje Joe Biden, e ka humbur ndjeshëm diferencën e theksuar që kishte me Donald Trump.
Sipas “Daily Mail”, diferenca ka zbritur nga 200 mijë vota në vetëm 13 mijë.
Kjo ka bërë që protestues të armatosur pro-Trump të zbresn në shesh, duke kërkuar që të numërohet çdo votë. Tensione janë shënuar në një qendër votimi në Arizona, e cila u detyra të mbyllet.
Nëse Biden ruan fitoren në Arizona dhe Nevada, ai do jetë presidenti i ri amerikan. Por Trump ka nisur sfidat ligjore ndaj rezultateve zgjedhore në shtetet e lëkundura.
Ndërkohë protesta janë shënuar edhe në qytete të tjera, teksa tensionet në SHBA janë të larta në pritje të shpalljes së fituesit.
