Një mrekulli pas 65 orësh nën rrënojat e tërmetit që shkatërroi Izmirin. Sipsa mediave turke ka dalë e gjallë nga rrënojat Elif Periçek, 3 vjeçe.
Momentet e shpëtimit janë transmetuar në CNN turk ndërkohë që të gjithë kaluan momente emocionuese.
Kreu i AFAD tha “Zot, Faleminderit. Ne e nxorrëm Elifin tonë gjallë nga kompleksi Dolaranlar”. Lot gëzimi për të gjithë.
Ndërkohë bilanci tragjik i tërmetit vijon të rritet, teksa numri i viktimave ka shkuar në 79 ndërsa të plagosurit në 962.
Pas tërmetit janë regjistruar 1.120 pas-tronditje, prej të cilave 43 më të forta se 4 ballë.
