Vera e turbullt e Lionel Mesit dhe munegsa e rezultateve te Barcelona duket se kanë tensionuar argjentinasin, i cili ka filluar të shfaqë në fushën e lojës të gjithë nervozizmin e tij. Një gjest nervozizmi në fakt mund t’i kishte kushtuar shumë shtrenjtë sot atij në ndeshjen kundër Deportivo Alavesh.
Në pjesën e parë të ndeshjes, Mesi goditi me forcë topin drejt gjyqtarit që po vinte, por ky i fundit, i nxori argjentinasit vetëm kartonin e verdhë. Një ngjarje e cila ndezi menjëherë rrjetet sociale, ku tiozët kundërshtarë të Barcelonës argumentuan se Mesi është lojtari që falet më shumë nga gjyqtarët dhe se çdokush tjetër do të kishte parë të kuqin direkt pas një gjesti të tillë.
Edhe ish-gjyqtari ndërkombëtar, Oliver Anduhar, në “Radio Marca” shpjgeoi se me rregullore, Mesi duhej të kishte parë dushet para kohe sot. “Duhej të ndëshkohej me të kuq, edhe nëse topi nuk godiste gjyqtarin Hernandez Hernandez. Me veprimin e tij, kërkon të kërcënojë gjyqtarin dhe kjo sjellje meriton të kuqin direkt”, tha ai duke komentuar episodin në fjalë.