Ambasada amerikane ka reaguar lidhur me procesin e përzgjedhjes së hetuesve të BKH-së. Reagimi vjen pas padive administrative e penale të bëra ndaj këtij institucioni për procesin e përzgjedhjes.
“SHBA mbështesin plotësisht procesin objektiv dhe të bazuar në merita të Shqipërisë për të rekrutuar dhe përzgjedhur hetuesit e BKH-së. Këto standarde të zbatimit të ligjit të aftësive fizike dhe intelektuale janë thelbësore që BKH-ja të përmbushë mandatin e saj”, thuhet në mesazhin e ambasadës së SHBA.
