Partia Socialiste do të depozitojë sot në Kuvend një propozim të ri në lidhje me ndryshimet në Kodin Zgjedhor.
I vetmi ndryshim nga formula që miratuan te Komisioni i Ligjeve është te pika 1 që bëhet një shtesë për mandatin e kryetarit. Ata kërkojnë që kryetari i partisë të mos zotërojë më shumë se një mandat. Ky propozim është bërë nga deputeti Adnor Shameti.
“Pas shpërndarjes së mandateve sipas këtij ligji, ai nuk mund të zotërojë më shumë se një mandat të cilin e zgjedh me vullnetin e tij të lirë”, thuhet në propozimin e ri.