Çifti shumë i dashur për publikun, Elgit Doda dhe Klea Huta ishin dje të ftuar në “E diela shqiptare”. Arditi shkoi të merrte vet personalisht çiftin me një biçikletë që nxë tre veta, duke i bërë edhe një shëtitje nëpër qytet si taksist.
Gjatë udhëtimit të tyre, Arditi i ka bërë disa pyetje ngacmuese dhe një ndër to ishte nëse Elgiti do pranonte që Klea të realizonte një skenë intime në një film.
Ardit Gjebrea: Vjen një film zoti kompozitor dhe aktorja duhet të puthet me kolegun e saj ose ndryshe me partnerin në film, a do ta lejonit ju?
Elgit Doda: Po pse jo, unë kur e kam njohur e kam njohur aktore, pse jo të mos e pranoja.
Ardit Gjebrea: Po nëse gjatë filmit do të kishte një skenë ku bashkëshortes tuaj do i duhet që puthjen ta jepte në krevat?
Elgid Doda: Freno, freno mos e zgjat aq shumë.
Ardit Gjebrea: Pse?
Elgid Doda: Unë për vete do isha në rregull, por është djali, e kemi shumë xheloz djalin.
