Idajet Dulla, 34-vjeçari që u vra me thikë mesditën e sotme është me origjinë nga qyteti i Kukësit, por prej vitesh banonte dhe punonte në Durrës, ku dhe kishte krijuar familjen e tij.
Dulla ishte babai i dy djemve, të cilët nuk nguronte t’i reklamonte në rrjetet sociale dhe të shprehte krenarinë për ta. Por, pasditen e sotme Idajet Dulla u vra me thikë, nga një person që tashmë është shpallur në kërkim.
Të parët që e kanë gjetur të larë në gjak dhe me plagë të shumta, kanë qenë familjarët e viktimës, bashkëshortja dhe nëna. Të dyja e kanë çuar me Urgjencë në spital 34-vjeçarin, por këtij të fundit, i kishte pushuar zemra nga goditjet me thikë. Policia ka identifikuar dhe shpallur në kërkim autorin, si dhe ka ngritur pika të shumta kontrolli në qytet. Pak minuta para vrasjes Dulla ishte konfliktuar me autorin, për arsye që ende nuk dihen.
