Shtatë pallate pritet të ndërtohen në një kompleks në Kavajë në kuadër të programit të rindërtimit. Kryeministri Rama dhe ministri Ahmetaj inspektuan nisjen e punimeve për këtë projekt.
Rama në fjalën e tij tha se po punohet me një shpejtësi sa më të madhe, që pallatet të mund të ndërtohen dhe që shumë shpejt edhe familjarët të strehohen aty.
“Të gjithë ata që janë në pritje për të hyrë në apartament, e kanë të vështirë ta kuptojnë se është çështje projekte komplekse dhe duan kohë. Ne do përpiqemi t’i bëjmë sa më shpejt apartamentet, që familjarët të hyjnë sa më shpejt nëpër banesa”, tha Rama.
