Qeveria e Kosovës propozoi që Izedin Bytyçi të rikthehet si sekretar në Ministrinë e Infrastrukturës. Këtë propozim e ka bërë Ministri i Infrastrukturës, Arban Abrashi.
“Duke pasur parasysh vlerësimet vjetore të performancës së Idezin Bytyçit në ish-ministrinë e Infrastrukturës dhe Ambientit, kërkoj aprovimin për ricaktimin e tij si sekretar në Ministrinë e Infrastrukturës”, tha Abrashi në këtë mbledhje qeverie.
Në këtë mbledhje u mor vendimi që edhe Durim Recaj të rikthehet në pozitën e tij si Sekretar i Përgjithshëm në Ministrinë e Tregtisë dhe Industrisë.
Po ashtu edhe Ekrem Kastrati, i cili ka qenë Sekretar i Përgjithshëm në Ministrinë e Punës, tani me vendim të qeverisë është emëruar në postin e Kryeinspektorin të Inspektoratit të Punës.
Këto propozime u miratuan me vota unanime në mbledhjen e sotme të qeverisë.
