Familjarët e Ardian Çapjes i cili dyshohet të ketë mbetur i plagosur si pasojë e disa të shtënave, e kanë mohuar këtë gjë në deklaratën e tyre për policinë në spital.
Ndërkohë Panorama raporton se vetë Çapja e ka mohuar të jetë qëlluar me armë zjarri. Ai ka deklaruar në spital se ka mbetur i plagosur si pasojë e një incidenti në banesë.
Të tjera detaje dalin për ngjarjen që tronditi vendin, bëhet me dije se policia ka gjetur në makinë një snajper pa numër serial, me numra të fshirë
Ardian Çapja, dyshohet se është qëlluar nga një snajper. Ai mbeti i plagosur mëngjesin e të hënës dhe u nis nisur drejt Tiranës për mjekim më të specializuar, pasi nje plumb e kishte marre ne pjesen e shpatulles.
Ai vetë e ka mohuar të jetë qëlluar. Në spital ka deklaruar se i ka ndodhur një incident në banesë.
Ngjarja ka ndodhur në lagjen e quajtur “Emin Matraxhiu”. Banorët në zonë kanë raportuar për të shtëna me armë zjarri, ndërsa shumë pranë banesës ku jeton Ardian Çapja ka marrë flakë një mjet që nga të dhënat e policisë mësohet se ka pasur targa false.
