Gareth Bale ka qenë dhe mbetet një nga emrat më të lakuar në tregun e transferimeve. Sulmuesi uellsian ka një marrëdhënie të akullt me drejtuesit e Realit dhe mbi të gjitha me trajnerin Zidane, ky fakt ka bërë që mediat ta shohin Bale gjithnjë e më larg Madridit. Krejt ndryshe e sheh të ardhmen e lojtarit që menaxhon, Jonathan Bernett, prokuratori i Gareth Bale:
“Ka një stil jetë të bukur, nuk shoh ndonjë arsye pse duhet të largohet nga Madridi. Ka fituar thuajse gjithçka në botë, ka para të mjaftueshme për veten e tij, për fëmijët, për nipat”, u shpreh agjenti i Bale duke e bërë gjithnjë e më të paqartë të ardhmen e mëngjarashit. Bale është parë shpesh si një mjet shkëmbimi për të arritur tek Paul Pogba por dhe si një lojtar që Reali mund ta përdor për të përmirësuar balancat e klubit. Emri i tij gjithashtu është lidhur shpesh dhe me një rikthim të mundshëm në Premeir League, aty ku ka ende shumë admirues.
