Në mes të ditës, raportohet një ngjarje e rëndë që ka ndodhur në qytetin e Korçës. Nga burimet bëhet me dije se institucioni financiar në Korçë ka rënë pre e një grabitje.
Autori i pamaskuar ka hyrë në ambientet e këtij institucioni dhe nën kërcënimin e një thike ka marrë një shumë parash.
Siç thuhet, autori ka qenë rreth 30 vjeç, i ka drejtuar thikën punonjësve, ndërsa përmes kërcënimeve iu kërkoi atyre lekët, pasi në të kundërtën, do t’i godiste. Pasi ka marrë lekët është larguar nga vendi i ngjarjes.
Ndërkohë, policia ka nisur kërkimet për identifikimin dhe arrestimin e grabitësit.
