Virologu i njohur amerikan, Anthony Fauci ka dalë kundër asaj që është thënë deri tani dhe presidenti amerikan e ka trumbetuar fort.
Fauci shpjegoi gjatë ditës së sotme se mbajti maskën gjatë një konference të presidentit Trump, për të qenë një shembull për të tjerët se çfarë duhet të bëjnë për të ndaluar përhapjen e koronavirusit.
“E mbaj maskën sa herë që jam jashtë”, tha Fauci për “CNN”, kur prezantuesi Jim Sciutto i bëri presion nëse ai dhe zyrtarë të tjerë publik, të veshur me një maskë, i inkurajuan të tjerët ta bëjnë këtë.
“Unë dua ta bëj që të jetë një simbol për njerëzit të shohin se kjo është lloji i gjërave që duhet të bësh”, tha Fauci, i cili është pjesë e grupit të detyrave koronavirus të Shtëpisë së Bardhë.
Fauci nuk u pyet në mënyrë specifike për mungesën e një maskë të presidentit Donald Trump, por implikimet e pyetjes ishin duke referuar qartë refuzimin e presidentit për t’u pajtuar me rekomandimet e ekspertëve mjekësorë.
Kohët e fundit, Fauci ka vënë një maskë edhe gjatë paraqitjeve të tij në Shtëpinë e Bardhë, veçanërisht pasi u njoftua se po kalonte në ‘karantinë të modifikuar’ pas ekspozimit të mundshëm ndaj virusit.
E vetmja herë që Trump u pa me maskë në publik ishte kur vizitoi një kompani makinash dhe ka thënë se i vë maskat pas skene, por jo në sy të kamerave.
