Pas disa ditësh në qetësi Durrësi i rikthehet sërish hartës me raste të reja të konfirmuar me koronavirus. Bëhet me dije se rasti i konfirmuar këtë të enjte është vatër e re në këtë qytet.
E konfirmuar me koronavirus është një 41-vjeçare banore e Lagjes nr. 13, e cila deri më tani nuk rezulton që të ketë pasur ndonjë kontakt me rastet e tjera të infektuar.
Tashmë vijon hetimi epidemiologjik i fokusuar kryesisht te familja e rastit më të ri.
Numri i të infektuarave me koronavirus në vendin tonë është 898 persona mes të cilëve 31 kanë humbur jetën.