Zgjedhjet parlamentare dhe lokale në Serbi do të zhvillohen më 21 qershor, bëri të ditur presidenti Aleksandar Vuçiç.
Vuçiç u takua paraprakisht me përfaqësuesit e partive politike, që kanë paralajmëruar daljen në zgjedhjet e ardhshme.
Data e zgjedhjeve në Serbi ishte vendosu për më 26 prill, por u shtynë për shkak të pandemisë së koronavirusit.
Më 15 mars, autoritetet serbe kanë shpallur gjendje të jashtëzakonshme.
Është njoftuar se Parlamenti i Serbisë do ta heqë gjendjen e jashtëzakonshme të mërkurën, më 6 maj.
Vuçiç tha se nuk pret që të ketë ndonjë tubim të madh zgjedhor gjatë muajit maj, ndërsa për qershor tha se do të konsultohen mjekët.
Serbia ka konfirmuar mbi 9500 raste të të infektuarve me koronavirus dhe 197 viktima. REL
