Paraditen e sotme Vlora u trondit nga vrasja me sende të fortë e shtetasit Bujar Mehmetaj.
Policia ka identifikuar si autor të ngjarjes Jurgen Lecajn, i cili është shpallur menjëherë në kërkim.
Sipas Abcnews mësohet se shkak për sherrin është bërë vendosja e kamerave të sigurisë nga njëri prej personave të përfshirë në sherr, gjë e cila ka nxehur gjakrat.
Mësohet se dy familjet kanë krushqi me njëra-tjetrën.
Konflikti nisi për faktin se kamerat e sigurisë së vendosura në shtëpi prej njërit prej tyre filmonte edhe në shtëpinë e fqinjit, gjë e cila është kundërshtuar nga ky i fundit.