Vende të ndryshme të botës kanë filluar që të lehtësojnë masat e izolimit, sikurse ka bërë së fundmi Austria e Danimarka që kanë marrë vendimin që rihapjen e shkollave fillore dhe çerdheve. Mirëpo OBSH ka reaguar menjëherë dhe iu ka tërhequr vëmendjen të gjitha shteteve që të kenë shumë kujdes me heqjen e masave të izolimit.
Gjithçka ndodh kur bota po shënon gjithnjë e më shumë raste të të infektuarve, e po ashtu edhe vdekje, me rekode tragjike, së fundi në SHBA, Britani, Itali, por edhe vende të tjera dhe ndërkohë që Franca ka vendosur bllokimin deri me 11 maj, kurse Britania e Madhe, deri më7 maj.
Çfarë thotë OBSH-ja për heqjen e masave të izolimit?
Organizata Botërore e Shëndetësisë ka publikuar gjashtë kushte për vendet që konsiderojnë relaksimin e izolimit:
-Transmetimi duhet të kontrollohet;
-Sistemet shëndetësore kanë kapacitet për të zbuluar, testuar, izoluar dhe trajtuar çdo rast dhe gjurmuar çdo kontakt;
-Rreziqet e shpërthimit në ambiente të veçanta, si objektet shëndetësore dhe shtëpitë e pleqve, minimizohen;
-Masat parandaluese ndërmerren në vende të punës, shkolla dhe vende të tjera ku njerëzit domosdoshmërisht shkojnë;
-Rastet e importuara menaxhohen;
-Komunitetet janë plotësisht të informuara, të angazhuara dhe të afta për t’u përshtatur me “normën e re”.
