Të gjithë vlerësojnë mjekët dhe infermierët në këtë situatë të vështirë që po kalon Shqipëria si pasojë e koronavirusit.
Ambasada Amerikane në Tiranë shprehet se pavarësisht vështirësive të shkaktuara nga pandemia furnizimi pa ndërprerje i energjisë elektrike është jetik.
Nga ambasada njoftojnë se USAID/Albania vazhdon të punojë me OSHEE për ta përmirësuar këtë shërbim.
Gjithashtu ata falënderojnë punonjësit e vijës së parë të OSHEE-s, të cilët kujdesen që energjia të mos mungojë në shtëpitë tona.
“| Kur të gjithë rrinë në shtëpi për shkak të COVID-19, furnizimi cilësor dhe pa ndërprerje i energjisë elektrike është jetik. Në #Shqipëri, pavarësisht vështirësive të shkaktuara nga pandemia, USAID/Albania vazhdon të punojë me OSHEE për ta përmirësuar këtë shërbim. Mirënjohje për punonjësit e vijës së parë të OSHEE-s, të cilët kujdesen që energjia të mos mungojë në shtëpitë tona!”, shkruan Ambasada Amerikane.
