Shumë gjyqtarë dhe prokurorë të shkarkuar nga vetingu rrezikojnë të japin llogari para drejtësisë për aferat e tyre dhe për problemet me pasurinë. Ky është kushti që kanë vënë ndërkombëtarët pas hapjes së negociatave për Shqipërinë. Në raportin e miratuar nga ministrat e Jashtëm të BE, theksohet se hapet drita jeshile, por më vonë do të ketë një mbledhje mes Shqipërisë dhe BE, ku do të shqyrtohet nëse janë plotësuar disa prej kushteve të kërkuara. Ndër to ishte: Lufta ndaj korrupsionit, funksionimi i SPAK, BKH, Gjykatës së Lartë dhe asaj Kushtetuese, si dhe hetimi i të ngelurve në veting. Gazeta ka bërë një kërkim dhe po publikon emrat e të gjithë gjyqtarëve dhe prokurorëve që rrezikojnë të përballen me organet e drejtësisë. Komisioni i Pavarur i Kualifikimit ka hartuar një raport përmbledhës për punën e kryer për periudhën shkurt 2018-gusht 2019. Nga ky raport rezulton se janë plot 90 të shkarkuar nga vetingu deri në fillim të marsit. Ndërkohë pak ditë më parë u bë e ditur se kanë nisur hetimet për 2 ish-anëtarë të Gjykatës së Lartë dhe për një ish-anëtar të Gjykatës Kushtetuese. Po ashtu mësohet se në mënyrë shumë sekrete kanë nisur hetimet dhe për shumë emra të tjera. Prokuroria është shumë hermetike në këtë aspekt, por janë 90 emra të rrezikuar.
Nëse i hedhim një sy listës së të shkarkuarve nga vetingu, vihet re se në rrezik për të dhënë llogari para drejtësisë janë një sërë emrash të njohur. Midis tyre mund të përmendim ish-kryetarin e Gjykatës Kushtetuese, Bashkim Dedja. Ai u përpoq t’ua hidhte organeve të drejtësisë dhe të fshihte një apartament që e kishte regjistruar në emër të të vëllait. Një emër tjetër është ai i kryetarit të Gjykatës së Lartë, Xhezair Zaganjori. Atij ju gjetën pasuri të pajustifikuara dhe se kishte kryer evazion fiskal. Në listë bën pjesë edhe emri i ish-prokurores Rovena Gashi, e cila po ashtu zotëronte pasuri marramendëse, por nuk i justifikonte dot. Po ashtu, pothuajse të gjithë anëtarët e Gjykatës Kushtetuese dhe të Gjykatës së Lartë u shkarkuan prej pasurisë. Altina Xhoxhaj, Fatos Lulo, Fatmir Hoxha, Gani Dizdari, Artan Broci, Tom Ndreca, Artan Zeneli, Edmond Islamaj u përjashtuan nga sistemi i drejtësisë sepse pasuria e tyre ngjasonte me ata të sheikëve. Edhe një sërë krerë gjykatash e prokurorish të rretheve e pësuan prej pasurisë.
Ja të gjithë emrat e shkarkuar që rrezikojnë hetimin
1. Fatos Lulo
2. Besim Trezhnjeva
3. Besa Nikëhasani
4. Altina Xhoxhaj
5. Fatmir Hoxha
6. Edmond Islamaj
7. Bashkim Dedja
8. Gentian Trenova
9. Artan Lazaj
10. Luan Kaloçi
11. Admir Thanza
12. Adriatik Cama
13. Gani Dizdari
14. Tom Ndreca
15. Artan Zeneli
16. Antoneta Sevdari
17. Rovena Gashi
18. Xhezair Zaganjori
19. Shkëlzen Selimi
20. Artan Broci
21. Dritan Rreshka
22. Elsion Sadiku
23. Arben Nela
24. Ervin Metalla
25. Astrit Faqolli
26. Bledar Abdullai
27. Bujar Hoti
28. Ahmet Jangulli
29. Sotiraq Lubonja
30. Entela Prifti
31. Artor Ylli
32. Alma Liçaj
33. Ramadan Troci
34. Luan Dervishi
35. Shpëtim Kurti
36. Fatos Qato
37. Izet Kadana
38. Admir Belishta
39. Agron Vavla
40. Arben Zefi
41. Alltun Çela
42. Alfred Gjoni
43. Ana Golloshi
44. Irma Balli
45. Hysni Demiraj
46. Artan Bajrami
47. Petrit Çeno
48. Fatmir Lushi
49. Çlirim Shahini
50. Ferdinand Elezi
51. Dritan Seci
52. Arqile Koça
53. Pashk Gjaci
54. Fehmi Petku
55. Edison Ademi
56. Albina Spaha
57. Fuat Vjerdha
58. Roland Jaupaj
59. Shkëlzen Cena
60. Enkeledi Hajro
61. Idriz Mulkurti
62. Ilir Mustafaj
63. Gurali Brahimllari
64. Eugen Beçi
65. Alketa Nushi
66. Luan Hasneziri
67. Anila Guri
68. Ardian Ylli
69. Hysni Vata
70. Gjovalin Përnoca
71. Dhurata Haveri
72. Ndini Tavani
73. Përparim Kulluri
74. Sulejman Kurti
75. Brunilda Malo
76. Hajrie Muçmata
77. Isuf Shehu
78. Arjan Balliu
79. Simon Pashuku
80. Arben Vrioni
81. Fatri Islamaj
82. Mariana Velçani
83. Edmond Hyka
84. Marsela Balili
85. Adnand Xhelili
86. Astrit Shema
87. Andi Civici
88. Skënder Haluci
89. Ardit Mustafaj
90. Nevrie Duka (Halo)
