Edhe pse shifrat janë ende të larta, si për të infektuarit dhe për viktimat, tani po shihet një dritë shprese sidomos në veriun e Italisë, ku ishte dhe epiqendra e shpërthimit të pandemisë, që ka marrë botën mbarë.
“Numrat janë në linjë dhe mund të them se është një tjetër ditë pozitive, pasi po procedohet në linjë pa rritje krahasuar me ditët e mëparshme, pra po verifikohet ajo që ekspertët parashikuan, që të nisë ajo rënie e shumëpritur”. Kështu deklaroi guvernatori i Lombardisë, në Itali, Attilio Fontana.
