Situata po bëhet gjithmonë e më e vështirë në spitalet britanike, si pasojë e pandemisë së koronavirusit.
Kjo ka bërë që të numri i respiratorëve të jetë i vogël në krahasim me numrin e pacientëve që e kanë të domosdoshme një pajisje të tillë për të vazhduar të jetojnë.
Autoritetet e shëndetësisë britanike kanë dhënë disa udhëzime të reja për përballimin e situatës së rëndë.
Sipas dokumentit të prezantuar për qeverinë e Boris Johnson, autoritetet shëndetësore propozojnë që t’u hiqen respiratorët e frymëmarrjes personave që kanë më pak shpresa për të jetuar.
Në dokument thuhet gjithashtu se Qeveria duhet të krijojë një parlament virtual dhe përmes tij parlamentarët të diskutojnë masat e mëtejshme që duhen marrë në përballje me pandeminë.
Numri i të infektuarve në Mbretërinë e Bashkuar është rreth 29 mijë, ndërsa ka patur edhe 2352 viktima nga koronavirusi. Në gjendje të rëndë shëndetësore janë 163 pacientë.
