Është rritur ndjeshëm numri i të prekurve dhe viktimave në Spanjë nga Covid-19.
Në 24 orët e fundit numërohen 838 viktima duke e çuar në 6.528 numrin e përgjithshëm të viktimave.
Ndërkohë, 6.549 raste të reja pozitive me koronavirus janë raportuar në vend duke e çuar totalin në 78.797.
Shifra të larta janë shënuar ditët e fundit në Spanjë, vetëm të premten numërohen 769 viktima, të shtunën 889 dhe ditën e sotme 838, shifra këto mjaft të frikshme.
Në Itali numri totali i viktimave ka kaluar mbi 10 mijë nga fillimi i emergjencës, më i larti në botë, e ndjek pas Spanja dhe Kina.
