Numri i viktimave nga koronavirusi në Greqi është ngjitur në 13, ndërsa në 24 orët e kaluara janë regjistruar 35 raste të reja, duke e çuar totalin e të prekurve nga Covid-19 në 530. Shumica e të infektuarve janë në kryeqytet, në Athinë.
Përfaqësuesi për koronavirusin pranë Ministrisë së SHëndetësisë greke, profesori epidemiolog, Sotiris Ciodras deklaroi në konferencën e shtypit se në spital janë shtruar 100 persona, ku 18 janë të intubuar.
Ndërkohë, 19 persona janë shëruar dhe kanë dalë nga spitali. Në Greqi deri tani janë bërë 8 mijë teste.
