35.713 të prekur, 28.710 janë pozitivë. 2978 viktima, 475 më shumë se një ditë më parë, ky është bilanci i ri i shifrave të emergjencës koronavirus në Itali. Vendi vazhdon të shënojë rritje, si në të infektuar si në humbje jetësh.
Por, ka një fije shprese, pasi bilanci është disi në rënie nga një ditë më parë, por gjithsesi mbetet i lartë. Mbi një mijë të shëruar nga dje, duke e çuar numrin në 4025.
Në Lombardi, vatra e shpërthimit të epidemisë, janë 17.713, 1493 më shumë se dje, dhe 1959 të vdekur. 319 viktima vetëm në një ditë. Bilanci vijon të rritet, por më ngadalë krahasuar me një ditë më parë.
