Urdhri i kryeministrit, Edi Rama për ndalimin e lëvizjes në Parkun e Liqenit Artificial, në Tiranë, dhe në zonat rekreative hyri menjëherë në fuqi.
Policia ka bllokuar të gjitha hyrjet që të çojnë për te Parku i Liqenit, për t’u ndaluar qytetarëve që të bëjnë shëtitje, edhe pse gjithë këto ditë është trumbetuar që njerëzit duhet të rrinë në shtëpi, të evitojnë daljet e panevojshme, për të frenuar përhapjen e koronavirusit.
Duke parë mungesën e ndërgjegjësimit të qytetarëve, duke mos u mbyllur në shtëpi, në këtë Ditë të mohuar Vere, autoritetet policore u detyruan të marrin masa më të ashpra, duke nxjerrë efektivët për të vendosur rregull dhe për të shpërndarë njerëzit, për mos t’u mbledhur shumë persona në një ambient të kufizuar.
