Shifrat evidentojnë një rritje të përhapjes së koronavirusit në Lombardi, që tashmë është vatra kryesore në Itali, siç ishte Wuhani në Kinë.
Janë 11.685 persona të infektuar të dalë pozitivë në test, me një rritje prej 1865 krahasuar me të premten. 4898 persona janë të shtruar në spital, 463 më shumë se një ditë më parë.
Të dhënat u konfirmuan nga përfaqësuesi i rajonit të Lombardisë, në Itali, Giulio Gallera, duke precizuar se numri i vdekjeve ka arritur në 966, 76 në një ditë. Në terapi intensive janë 732 persona, 85 më shumë se të premten.
