Prej konfirmimit të rasteve të para të të prekurve me koronavirus, në Shqipëri janë marrë një sërë masa parandaluese për përhapjen e mëtejshme të virusit që ka ngritur në këmbë gjithë botën.
Ndërkohë edhe Ambasada Amerikane në Tiranë ka dalë me një thirrje të fortë për të gjithë shtetasit amerikanë që ndodhen në Shqipëri. Ambasada i fton të regjistrohen në programin ‘STEP’ për të lexuar njoftimet më të fundit shëndetësore për COVID-19.
“Nxisim të gjithë qytetarët amerikanë në Shqipëri që të regjistrohen në programin STEP, në mënyrë që të marrin mesazhet dhe njoftimet e Ambasadës. Vizitoni faqen tonë në internet për të mësuar si mund të regjistroheni dhe për të lexuar njoftimin tonë më të fundit shëndetësor mbi COVID-19: https://bit.ly/38FYRoz”, shkruhet në njoftimin e Ambasadës Amerikane.
